Mýunheniň «Bawariýasynyň» hüjümçi ýarymgoragçysy Lennar Karlyň bazar bahasy iki aýda 20 mln ýewrodan 60 mln ýewro ýetdi. Täzelenen baha nemes Bundesligasynyň iň gymmat oýunçylarynyň reýtingini düzen Transfermarkt portaly tarapyndan hödürlendi.
Karl 17 ýyl 10 aý ýaşynda. Ol 18 ýaşdan kiçi oýunçylaryň arasynda dünýäniň iň gymmat futbolçysy boldy.
Bu ýaş reýtinginde ikinji orny «PSŽ-niň» hüjümçisi Ibraim Mbaýe eýeledi. Onuň bahasy 25 mln ýewro diýlip hasaplanýar.
Karlyň bahasynyň ýokarlanmagy azyndan 2004-nji ýyldan bäri Bundesligada iň uly ösüş boldy. 2025-nji ýylyň iýunynda onuň bazar bahasy 1,5 mln ýewrody. Häzir ýarymgoragçy Germaniýanyň çempionatynyň iň gymmat oýunçylarynyň umumy reýtinginde ýedinji orny eýeleýär.
«Futbolçy birnäçe hepdede «Bawariýanyň» düzüminde ornuny eýeläp, özüni möwsümiň iň gyzykly oýunçylarynyň biri hökmünde görkezdi. Şeýle-de, ol Çempionlar ligasynda yzygider üç oýunda gol geçirdi – onuň ýaşynda bu hiç kime başartmandy» — diýip, Germaniýada Transfermarkt-yň baha koordinatory Tobias Kreger belledi.
Bundesliganyň iň gymmat oýunçylarynyň reýtinginde ilkinji ýedi orny «Bawariýanyň» futbolçylary eýeleýär. Klubuň iň gymmat oýunçylary 130 mln ýewro baha bilen Jamal Musiala we Maýkl Olise boldy. Luis Dias bilen Daýo Upamekanonyň bazar bahalary 70 mln ýewro.
