Žoze Mourinýu Madridiň «Realynyň» baş tälimçisi wezipesine bellenildi. Bu barada ispan klubunyň resmi saýtynda habar berilýär.
63 ýaşly portugaliýaly hünärmeniň täze şertnamasy 2029-njy ýyla çenli niýetlenendir.
Bu wezipede Mourinýu Alwaro Arbeloany çalyşdy. Ýatlap geçsek, Arbeloa kluba şu ýylyň ýanwar aýynda Habi Alonso wezipeden gidenden soň gelipdi.
«Real» üçin geçen möwsüm şowsuz tamamlandy: topar Çempionlar ligasynyň 1/4 finalynda «Bawariýadan» utulyp (duşuşyklaryň umumy hasaby 4:6), ýaryşdan gaýtdy, 11-nji maýda bolsa «Barselonadan» utulyp, onuň Ispaniýanyň çempiony bolmagyna ýol berdi.
Žoze Mourinýu ozal 2010–2013-nji ýyllar aralygynda hem Madrid topary bilen işleşipdi. Portugaliýaly tälimçi bilen «Real» Ispaniýanyň çempionatyny (2011/12), ýurduň Kubogyny (2010/11) we Ispaniýanyň Superkubogyny (2011/12) utdy.
Mourinýunyň soňky iş ýeri Portugaliýanyň «Benfika» kluby bolup, ol bu toparyň tälimçi wezipesine 2025-nji ýylyň sentýabrynda bellenilipdi.
Özüniň tälimçilik karýerasynyň dowamynda Mourinýu Portugaliýanyň «Uniao Leýriýa» we «Portu», Italiýanyň «Inter» we «Roma», Angliýanyň «Çelsi», «Mançester Ýunaýted» we «Tottenhem», şeýle hem Türkiýäniň «Fenerbahçe» ýaly klublaryna hem ýolbaşçylyk etdi.
