Açylyş oýunda Meksikanyň milli ýygyndysy Günorta Afrika Resbuplikasynyň ýygyndysyny 2:0 hasabynda ýeňlişe sezewar etdi.
Oýnuň 9-njy minutynda Hulian Kinonesiň we 60-njy minutda Raul Himenesiň geçiren gollary ýer eýelerine möhüm ýeňşi getirdi. 80 müňe golaý tomaşaçynyň öňünde geçirilen bu oýunda 3 futbolçynyň meýdançadan çetleşdirilmegi hem bellärlikli ýagdaýdyr.
Oýnuň 49 we 84-nji minutlarynda myhmanlardan Ýaýa Sithole we Themba Zwane meýdançadan çetleşdirilen bolsa, 90+2 de ýer eýelerinden Sesar Montese gyzyl kart görkezildi. Ýeri gelende bellesek, 2010-njy ýylda geçirilen Dünýä çempionatynyň açylyş oýnunda hem şu iki topar (1:1) garşylaşypdy.
Toparçadaky ikinji oýunda Günorta Koreýanyň ýygyndysy Çehiýanyň milli ýygyndysyndan 2:1 hasabynda üstün çykdy. Ýewropalylar oýnuň 59-njy minutynda Ladislaw Kreýçiň goly bilen 1:0 hasabynda öňe saýlandylar. Emma kambek etmek gezegi bu oýunda aziýa yklymyna wekilçilik edýän toparyň paýyna düşüpdir. Oýnuň 67-nji minudynda Hwan in Býomuň we 80-nji minutda O Hýon Kýonuň gollary yklymdaşlarymyza möhüm üç utugy getirdi.
Şeýlelikde, «A» toparçada toparçalaýyn oýunlaryň 1-nji tapgyry tamamlandy. Meksika bilen Günorta Koreýanyň milli ýygyndylary 3 utuk bilen degişlilikde 1 we 2-nji orny eýeleýän bolsa, 3 we 4-nji orunlardaky Çehiýanyň we Günorta Afrikanyň ýygyndylarynda heniz utuk ýok.
