Fransiýanyň «PSŽ» futbol kluby düzümindäki oýunçylaryň umumy bazar bahasy boýunça Madridiň «Realyny» we Angliýanyň «Mançester Siti» klubuny yzda galdyryp, dünýäde birinji orna çykdy. «Transfermarkt» portalynyň berýän maglumatlaryna görä, parižlileriň düzüminiň umumy bahasy 1,37 milliard ýewro ýetdi.
Sanawyň ikinji ornunda düzüminiň umumy bahasy 1,34 milliard ýewro barabar bolan «Real Madrid» ýerleşýär. Üçünji orny bolsa 1,32 milliard ýewro bilen «Mançester Siti» eýeleýär.
Dünýäniň iň gymmat bäş klubunyň hataryna UEFA Çempionlar ligasynyň finalçysy «Arsenal» (1,23 milliard ýewro) we Ispaniýanyň çempiony «Barselona» (1,17 milliard ýewro) hem girdi.
2026-njy ýylyň 1-nji iýunyna çenli ýagdaýa görä düzüminiň gymmaty boýunça TOP-5 klub:
- «PSŽ» — 1,37 mlrd ýewro
- «Real Madrid» — 1,34 mlrd ýewro
- «Mançester Siti» — 1,32 mlrd ýewro
- «Arsenal» — 1,23 mlrd ýewro
- «Barselona» — 1,17 mlrd ýewro
