Amazon MGM Studios özüniň YouTube kanalynda "The Sheep Detectives" (Goýun detektiwleri) atly komediýa filminiň ilkinji treýlerini köpçülige hödürledi. Kinokartinanyň dünýä premýerasyna 2026-njy ýylyň maý aýynda garaşylýar.
Filmiň wakalary Jorj atly çopanyň (Hýu Jekman — "Dedpul we Rosomaha") töwereginde bolup geçýär. Ol her gün öz sürüsine detektiw romanlaryny sesli okap berýär. Günleriň birinde fermada syrly jenaýat ýüze çykanda, asuda durmuş bozulýar. Iň gyzykly ýeri bolsa, bu çylşyrymly işi derňemek wezipesini "tejribeli" goýunlaryň özi öz üstüne alýarlar.
Filmde dünýä belli aktýorlaryň topary jemlenipdir. Jekmandan başga-da, esasy keşpleri Emma Tompson (“Meniň elhenç enekäm”), Braýan Krenston (“Ähli agyr işlere baş goşmak” / Breaking Bad), Rejina Holl (“Gorkunç kino”), Patrik Stýuart (“Logan”, “Iks-adamlar”) janlandyrýar.
Filmiň ssenarisiniň awtory — meşhur "The Last of Us" (Biziň soňkymyz / Одни из нас) serialynyň döredijileriniň biri Kreýg Meýzin.
