Türkmenistanyň Döwlet energetika institutynyň iki talyby – Dursunjemal Ataýewa hem-de Mähriban Azadowa 4 – 8-nji dekabr aralygynda Hytaý Halk Respublikasynyň Nankin şäherinde ýokary okuw mekdepleriň talyplarynyň arasynda geçirilen nazary mehanika boýunça VI halkara olimpiadasynda üstünlikli çykyş etdiler. Bu barada Türkmenistanyň Bilim ministrligi habar berdi.
Hohaý uniwersiteti tarapyndan guralan abraýly halkara gözden geçirilişine dünýäniň dürli ýurtlarynyň 66 uniwersitetinden 600-den gowrak talyp gatnaşdy.
Bäsleşigiň netijeleri boýunça talyplarymyzyň ikisi-de şahsy hasapda II orny we olimpiadanyň toparlaýyn hasabynda II orny eýelemegi başaryp, nazary mehanikany örän oňat bilýändiklerini hem-de ders boýunça ýokary taýýarlyk derejesini görkezdiler.
