Warner Bros. we Legendary Entertainment studiýalary baş keşbi Tom Kruzyň ýerine ýetirmeginde «Digger» («Gazyjy») filminiň ilkinji tizerini we posterini hödürledi. Filmiň režissýory bolup Alehandro Gonsales Inýarritu çykyş etdi diýip, Variety habar berýär.
Döredijiler filmi «betbagtçylykly komediýa» hökmünde suratlandyrýar. Sýužetiň merkezinde global betbagtçylygyň öňüni almaga synanyşýan dünýädäki iň güýçli adam durýar. Şu maksat bilen ol ykbalyny üýtgedip biljek çylşyrymly we howply missiýa ugraýar.
Tizerde baş gahryman eli pilli tans edýär. Ähtimal, Tom Kruzyň gahrymany birhili geň bolsa gerek.
Inýarritu üçin bu «Diri galan» (Выживший) filminden soň ilkinji iňlis dilindäki iş boldy. Ol ssenarini «Býordmeniň» awtordaşlary Nikolas Jakobone we Aleksandr Dinelaris, şeýle-de Sabina Berman bilen bilelikde ýazdy.
Tom Kruz we Inýarritu taslamanyň prodýuserleri hökmünde-de çykyş edýär. Filme Sandra Hýuller, Jon Gudman, Maýkl Stalberg, Sofi Uaýld, Jessi Plemons we Riz Ahmed hem gatnaşdy.
«Digger» Tom Kruz bilen Warner Bros.-yň 2014-nji ýylda çykan «Geljegiň çägi» filminden bäri ilkinji bilelikdäki taslamasy boldy.
Film 2026-njy ýylyň 2-nji oktýabrynda prokata çykar.
