Fransiýanyň Meýilnamalaşdyryş boýunça ýokary komissiýasy 2024-nji ýylda Parižde geçirilen Olimpiýa oýunlarynyň bahasyny 2,8 mlrd ýewro diýip hasaplady. Bu barada Europe 1 radiostansiýasy habar berdi.
«2024-nji ýylda Parižde geçirilen Olimpiýa oýunlarynyň arassa bahasy Meýilnamalaşdyryş boýunça ýokary komissiýa tarapyndan 2,8 mlrd ýewro bilen bahalandyrylýar» — diýlip, radiostansiýanyň habarynda aýdylýar.
Bu Fransiýanyň Hasap palatasynyň beren bahasyndan ep-esli pesdir. Palata 2024-nji ýylyň sentýabrynda Oýunlaryň 6,6 mlrd ýewro düşendigini aýdypdy. Europe 1 hasaplardaky tapawudy hasaplaýyş usulyýeti bilen baglanyşdyrýar: Meýilnamalaşdyryş boýunça komissiýa diňe bir göni çykdajylary däl, eýsem Oýnuň Fransiýada iş orunlaryna we infrastrukturanyň ösüşine ýetiren oňyn täsirini hem göz öňünde tutýar.
Pariždäki Olimpiýa oýunlary 2024-nji ýylyň 26-njy iýulyndan 11-nji awgusty aralygynda geçirildi. Paralimpiýa oýunlary bolsa 28-nji awgustdan 8-nji sentýabr aralygynda boldy.
