Kairiň golaýyndaky Abusir nekropolynda ýaşy, takmynan, 4400 ýyl bolan Gadymy Müsüriň Gün ybadathanasynyň harabalygy tapyldy. Bu ybadathana, çen bilen, b.e.öň 2420-nji ýyldan 2389-njy ýyl aralygynda V nesilşalygyň döwründe dolandyran faraon Niuserrä degişli bolupdyr. Bu açyş barada CBS News we Ahram Online neşirleri habar berdi.
Gazuw-agtaryş işleriniň ýolbaşçylary – Turin uniwersitetinden Massimiliano Nussolonyň we Neapol uniwersitetinden Rossana Perrilliniň maglumatlaryna görä, ýadygärlik toplumynyň meýdany 1000 inedördül metrden geçýär. Bu ýer ilkinji gezek 1901-nji ýylda Lýudwig Borhardt tarapyndan anyklandy, ýöne giň gerimli derňew işleri diňe häzir Niliň düýp çökündileriniň aşagynda ýatan ýer gurandan soň mümkin boldy.
Hünärmenler ybadathananyň käbir böleklerini tapdy: hek daşyndan ýasalan sütün binýady, ybadathananyň giriş böleginiň bölekleri, hakyky pol örtügi we gapy söýeleri. Işiň dowamynda ybadathanany suw arteriýasy bilen birleşdirýän ýapgyt basgançak hem tapyldy.
Binagärlik böleklerinden başga-da, arheologlar küşte meňzeş gadymy müsür oýny senet (sunnat) üçin iki agaç maly tapdy.
Bu obýekt Ra hudaýyna bagyşlanan az sanly ybadathanalaryň biridir.
