Fransiýanyň milli ýygyndysynyň we «Pari Sen-Žermen» klubunyň hüjümçisi Usman Dembele Halkara futbol taryhy we statistika federasiýasy (IFFHS) tarapyndan geçirilen ses berişligiň netijesi boýunça 2025-nji ýylyň iň gowy futbolçysy diýlip ykrar edildi.
Dembele bilermenleriň, hünärmenleriň we žurnalistleriň ses bermegi esasynda düzülen reýtingde birinji orny eýeledi. Fransuz wingeri jemi 153 utuk ýygnady.
Sanawda ikinji orny 97 utuk bilen Lamin Ýamal eýeledi, öňdebaryjylaryň üçlügini bolsa 62 utuk bilen Garri Keýn jemledi.
Utuk sany boýunça iň gowy futbolçylar:
- 1. Usman Dembele – 153 utuk
- 2. Lamin Ýamal – 97 utuk
- 3. Garri Keýn – 62 utuk
- 4. Erling Holand – 39 utuk
- 5. Witinýa – 37 utuk
- 6. Kilian Mbappe – 34 utuk
- 7. Aşraf Hakimi – 22 utuk
- 8. Pedri – 18 utuk
- 9. Rafinýa – 15 utuk
- 10. Koul Palmer – 14 utuk
2024/25 möwsüminde Dembele «PSŽ-niň» düzüminde ýokary derejeli we durnukly oýny görkezip, toparyň esasy oýunçylarynyň biri boldy. Ol kluba UEFA-nyň Çempionlar ligasynda ýeňiş gazanmaga kömek etdi, milli kubogyň oýunlarynda assistler we aýgytly gollar bilen tapawutlandy. Mundan başga-da, «PSŽ» ABŞ-da Klublaýyn dünýä çempionatynyň finalyna çykdy.
Şu ýyl Dembele «Altyn topuň» hem eýesi boldy.
