Xiaomi kompaniýasy 2022–2023-nji ýyllarda çykarylan köp sanly meşhur smartfon modelleri üçin howpsuzlyk täzelenmelerini bermegi bes etmegi meýilleşdirýär. Olaryň goldawy 2026-njy ýylda doly tamamlanar.
End of Life (EOL), ýagny hyzmat möwritiniň tamamlanmagy statusy, hususan-da, aşakdaky enjamlara berler:
- Xiaomi: Xiaomi 12, 12 Pro, 12X, 12 Lite, Xiaomi 12T we 12T Pro.
- Redmi: Redmi Note 12 Pro+/Pro 5G, şeýle hem Redmi Note 12-niň 4G we 5G wersiýalary.
- Poco: Poco F5, X5 Pro 5G we X5 5G.
Görkezilen smartfonlaryň programma üpjünçiligi Android 15 hem-de HyperOS 2 ýa-da HyperOS 3 wersiýalary bilen çäklener.
Howpsuzlyk patçlarynyň çykarylmagynyň bes edilmegi ulanyjylar üçin örän möhümdir, sebäbi bu ýagdaýda enjamlar kiberhowplara garşy ejiz bolýar. Şeýle-de, wagtly-wagtyna täzelenme bolmasa, bank we korporatiw programmalary ulanmakda çäklendirmeler ýüze çykyp biler. Bu ýagdaý Xiaomi-niň öňki syýasaty bilen düşündirilýär: ol syýasata görä, Android-iň iki-üç wersiýasy we dört ýyllyk howpsuzlyk täzelenmeleri göz öňünde tutulypdy.
