Xiaomi smartfonlar bilen gündelik ulanmak üçin magnitli ultra inçe daşky akkumulýatory hödürledi. Aksessuar bazarda iň ykjam magnit pauerbanklarynyň hataryna girýär.
Akkumulýatoryň ýogynlygy 6 mm, agramy 98 g barabar. Ol gabat gelýän smartfonlara magnitleriň kömegi bilen berkidilýär we simsiz zarýady goldaýar.
Xiaomi 17 smartfonlary bilen ulanylanda simsiz zarýadyň kuwwaty 15 Wt ýetýär. iPhone üçin bu görkeziji 7,5 Wt bilen çäklenýär. Has çalt zarýad üçin 22,5 Wt çenli simli zarýady goldaýan USB-C porty göz öňünde tutuldy. Gurluş bir wagtyň özünde iki gajeti – kabel we simsiz tehnologiýa boýunça zarýadlandyrmaga mümkinçilik berýär.
Akkumulýatorda 5000 mA/sag sygymly kremniý-uglerod batareýasy ulanylýar. Bu iPhone-yň bir doly zarýady üçin ýeterlikdir. Sowadyş üçin 4369 mm2 meýdanly grafit listi ulanylýar. Howpuzlyga on gorag derejesi, şeýle-de iki NTC temperatura datçigi jogap berýär.
Korpus alýumin ergininden ýasaldy. Zarýad derejesi dört LED indikatorynyň kömegi bilen görkezilýär.
Akkumulýator eýýäm 7980 ýena (takmynan, 50 dollar) bahadan Ýaponiýada satuwa çykdy.
