Ras-el-Haýma emirliginiň (BAE) ýolbaşçylary Ginnesiň rekordlar kitabyna girmäge dalaş etjek Täze ýyl şüweleňini geçirmek meýilnamalary barada habar berdi. Ýarygije geçiriljek 15 minutlyk şüweleň dünýäde iň uzyn şüweleňleriň biri bolar: ol Marjan adasyndan Al-Hamra aýlagyna çenli 6 kilometr uzalar diýip, Arabian Business neşiri habar berýär.
Asmanda pirotehniki we lazer dronlary bilen birlikde 2300-den gowrak dron hereket eder. Olar innowasion feýerwerkler we lazerler bilen birleşip, uly yşyk şekillerini döreder.
Baýramçylyk şüweleňiniň iň ýokary derejesi sagat 00:00-da taryhda iň uly ýeke feýerwerkiň atylmagy bolar.
Şu ýyl çäräniň konsepsiýasy emirligiň güýjüni, täzelenişini we ösüş ruhuny alamatlandyrýar. Bu maksatnama ýerli ýaşaýjylary we syýahatçylary çekmäge gönükdirilýär.
Sagat 14:00-da Al-Hamrada janly aýdym-saz, tigirli garbanyşhanalar we karnawal güýmenjeleri bilen mugt maşgala festiwaly başlar. Esasy ýarygijedäki feýerwerkden öň 20:00-da Korniş-al-Kawasimiň kenarynda ýene bir feýerwerk bolar.
