26-njy dekabrda Xiaomi kompaniýasy “Xiaomi 17 Ultra” flagman smartfonyny we başga-da birnäçe täze önümleri görkezmek üçin uly tanyşdyryş çäresini geçirmegi meýilleşdirýär. Bu barada insaýder Digital Chat Station habar berdi.
Syzdyrylan maglumatlara görä, “Xiaomi 17 Ultra” smartfony Snapdragon 8 Elite Gen 5 çipseti bilen enjamlaşdyrylar.
Şol gün, degişlilikde, Dimensity 8 we Dimensity 9 platformalarynda döredilen Redmi Turbo 5 we Redmi Turbo 5 Pro smartfonlarynyň hem yglan edilmegine garaşylýar. Deslapky maglumatlara görä, esasy wersiýasy 7500 мАh (mAs) kuwwatly batareýa, has öňdebaryjy Pro wersiýasy bolsa 9000 мАh (mAs) batareýa we 100 Wt (wattlyk) zarýad beriş goldawy bilen üpjün ediler.
Beýleki bildirişleriň arasynda eSIM-i goldaýan we 930 мАh (mAs) batareýaly akylly sagadyň täze flagman modeli, şeýle hem bir planşet we iki sany nauşnik modeli bar.
Mundan öň Hytaýda “Xiaomi 17 Ultra” üçin “kör” öňünden sargytlar açylypdy. Tassyklanmadyk habarlara görä, täze modeliň Hytaýdaky bahasy öňki nesliň derejesinde galmagy mümkin. Enjamlaryň dünýä bazaryna çykarylmagynyň bahasy we senesi barada entek maglumat ýok.
