Illumination we Universal Pictures kino kompaniýalary meşhur "Superdoganlar Mario. Film" filminiň dowamy bolan "The Super Mario Galaxy Movie" atly animasion filmiň täze tizerini hödürlediler.
Wideoda Mario bilen Luijiniň franşizanyň esasy garşydaşy bolan Bouzeriň ogly Bouzer-kiçi bilen arasyndaky söweş görkezilýär.
Filmiň dowamyny 2026-njy ýylyň 3-nji aprelinde görkezmek meýilleşdirilýär. Gahrymanlary ýene-de birinji filme gatnaşan ýyldyz aktýorlar topary seslendirýär. Olar: Kris Pratt (Mario), Çarli Deý (Luiji), Jek Blek (Bouzer), Anýa Teýlor-Joy (Şa gyzy Piç), Kigan-Maýkl Ki (Toad) we Kewin Maýkl Riçardson (Kamek).
Asyl film, "Superdoganlar Mario. Film", 2023-nji ýylyň aprelinde ekranlara çykdy. Film dünýäde $1,36 milliard girdeji gazandy we taryhda wideo oýunlaryň iň köp girdeji gazanan filmi boldy.
Birinji filmiň wakasy Brukliniň iki santehnigi Mario we Luijiniň garaşylmadyk ýagdaýda jadyly dünýä — Kömelek Patyşalygyna düşüşi barada gürrüň berýär. Mario doganyny halas etmek üçin Şa gyzy Piç, Toad we Donki Kong bilen bilelikde hereket edip, zalym pyşbaga patyşasy Kupa-Bouzere garşy göreşýär.
