Warner Bros. we DC Studios 2026-njy ýylyň 26-njy iýunynda görkezilmegi meýilleşdirilýän "Supergyzyň" ("Supergirl") ilkinji treýlerini tanyşdyrdy. Film Tom Kingiň "Supergyz: Ertirki günüň zenany" atly komiksy esasynda düşürilýär.
Wideorolikde Kara Zor-El içki meseleleri, şol sanda spirtli içgilere garaşlylygy bolan çylşyrymly gahryman hökmünde görkezilýär. Onuň keşbi Dewid Korenswetiň ýerine ýetiren Supermeniniň keşbinden düýpli tapawutlanýar.
"Ol her bir adamda gowyny görýär, men bolsa hakykaty görýärin" diýip, ol aýdýar.
Baş roly "Aždarhanyň öýi" (“Дом Дракона”) serialy boýunça tanalýan Milli Elkok ýerine ýetirdi. Şeýle hem, filmde Jeýson Momoa kellekeser Lobonyň keşbini oýnady.
Filmiň režissýory Kreýg Gillespi (“Million dollarlyk el”, “Kruella”). Senarisini “Sara + Di” we “Wampiriň gündelikleri” (“Дневники вампира”) seriallaryndaky keşpleri bilen tanalýan Ana Nogeýra ýazdy.
Bu film Jeýms Gannyň we Piter Safranyň ýolbaşçylygynda täzelenen DC kino äleminiň ikinji bölegi bolar. Birinji bölegi 2025-nji ýylda çykan “Supermen” filmi boldy.
