Çilide geçirilen Prezident saýlawlarynda Respublikan partiýasyndan ultrakonserwatiw dalaşgär Hose Antonio Kast ýeňiş gazandy. 99%-den gowrak býulleteni sanamagyň netijesi boýunça, ol saýlawçylardan 58,16% ses aldy diýip, ýurduň saýlaw gullugynyň maglumatlaryna salgylanyp, The Guardian ýazýar.
Kastyň esasy garşydaşy, öňki zähmet we sosial gorag ministri, Kommunistik partiýanyň agzasy Žanett Hara saýlawçylardan 41,84% ses aldy. Ol öz ýeňlişini boýun alyp, ýeňijä işinde üstünlikleri arzuw etdi.
59 ýaşly Hose Antonio Kast tutuş syýasy karýerasynyň dowamynda yzygiderli sagçy garaýyşlary goldady. Ol özüniň saýlawdan öňki kampaniýasynda serhet diwarlaryny gurmak we ýurtda bikanun esasda gezip ýören ähli migrantlary deportasiýa etmek meselelerine aýratyn üns berdi.
