Angel YouTube kanalynda “Haýwanlar fermasy” (Скотный двор) multfilminiň treýleri hödürlendi. Animasion film Jorj Oruelliň adybir powestine esaslanýar.
Taslamanyň režissýory bolup Endi Serkis (“Maugli”, “Wenom-2”) çykyş edýär. Filmiň üstündäki işler 2011-nji ýyldan bäri dowam etdi.
Multfilmiň sýužeti fermada gozgalaň turzup, ol ýerden eýesini kowýan haýwanlar topary barada gürrüň berýär. Ýöne tiz wagtdan olaryň öňünde täze kynçylyk peýda bolýar – fermada agalyk kem-kemden Napoleon atly doňzuň ýolbaşçylygyndaky doňuzlara geçýär. Haýwanlar täze baştutanlara garşy durmaly bolar.
Oruell öz powestini 1945-nji ýylda çap etdi.
Multfilm üçin ssenarini Nik Stoller ýazdy. Prodýuserleriň biri Mett Riwz boldy. Gahrymanlara kino ýyldyzlary ses berdi, olaryň arasynda Set Rogen (doňuz Napoleonyň sesi), Kiran Kalkin, Wudi Harrelson, Geýten Matarasso, Stiw Buşemi, Glenn Klouz, Jim Parsons, Lawerna Koks, Ketlin Týorner we Iman Wellani bar.
Multfilm 2026-njy ýylyň 1-nji maýynda prokata çykar.
