Super agyr agramda boks boýunça iki öňki dünýä çempiony, britaniýalylar Taýson Fýuri bilen Entoni Joşua 2026-njy ýylda Er-Riýadda köpden bäri garaşylan söweşi geçirer. Bu barada The Ring neşiri habar berdi.
Olaryň duşuşygy geçiriljek wagty takyk kesgitlenmedik Riyadh Season ýaryşynyň esasy wakasy bolar.
WBC-niň öňki çempiony bolan 37 ýaşly Fýuri 2024-nji ýylda ukrainaly Aleksandr Usikden yzygider iki gezek ýeňildi. Ikinji söweşden soň Usik absolýut dünýä çempiony titulyny gazandy. Fýuriniň hasabynda 34 ýeňiş, iki ýeňliş we bir deňme-deňlik bar.
36 ýaşly Joşua ozal WBO, WBA we IBF guşaklaryna eýeçilik etdi. Ol 19-njy dekabrda bloger Jeýk Pola garşy söweşer. Joşuanyň professional ringde statistikasy 28 ýeňişden we dört ýeňlişden ybarat.
