IMDb platformasy 2025-nji ýylyň iň meşhur filmleriniň, seriallarynyň we artistleriniň sanawyny hödürledi. Reýtingler ulanyjylaryň soňky aýlarda köp gözlän we gürrüňini eden taslamalaryny görkezýär.
Doly metražly filmleriň arasynda birinji orny baş keşpde Dewid Korenswet bilen Jeýms Gannyň «Supermen» filmi eýeledi. Film barada tomusda işjeň pikir alyşyldy, sentýabrda bolsa onuň dowamynyň çykjakdygy tassyklandy.
Ikinji orny «Ýaraglar» (Орудия) horror filmi eýeledi. IMDb filmi «pop medeniýetiniň janly nusgasy» diýip atlandyrdy. Üçünji orunda Raýan Kugleriň «Günäliler» (Грешники) filmi ýerleşdi. Film Critics Choice Awards-da iň köp nominasiýa alan boldy.
Şeýle-de, onluga Pol Tomas Andersonyň «Bir söweşden soň beýleki», «Ýura eýýamynyň dünýäsi: Galkynyş», «Frankenşteýn», «Bagty çüwen Gilmor-2», «Gök gürrüldedijiler», «Missiýa ýerine ýetirmesiz: Ahyrky hasaplaşyk» we «Formula-1» girdi.
Seriallaryň arasynda «Ak lotos» (Белый лотос) öňdebaryjy boldy. Ikinji orny «Bizden biri» (Одни из нас) eýeledi. Baş keşbi ýerine ýetiriji Izabela Mersed ýylyň iň meşhur şahsyýetleriniň sanawynda birinji boldy. Ol Eými Lu Wuddan, Mettýu Guddan, Tom Kruzdan we Sidni Suiniden öňe geçdi.
Seriallaryň üçlügini «garaşylmadyk öwrümlerden doly we Lýumonyň köp sanly syrlaryny çuňlaşdyrýan» «Bölünişik» (Разделение) serialynyň ikinji möwsümi jemledi.
Şeýle-de, ilkinji onluga «Uensdeý», «Kalmar oýny», «Dekster: Direliş», «Nägehan», «Ýapylmadyk işleriň bölümi», «Andor» we «Gara aýna» girdi.
IMDb-niň redaksiýasy öz sanawyny-da hödürledi. Filmleriň arasynda «Bir söweşden soň beýleki» (Битва за битвой) tapawutlandyryldy. Şeýle-de, «Uollis adasy barada ballada», «Bagyşla, balam», «Finikiýa shemasy», «Ýaraglar», «Günäliler», «Maýmyn», «Brijit Jons – 4», «Heý, salam!» we «Kompanýon» bellendi.
Mundan başga-da, 17 film agzalyp geçildi we olaryň arasynda «Keý-pop melgun awçylary» multfilmi, Ýoakim Trieriň «Duýgy gymmatlygy», Riçard Linkleýteriň «Mawy Aý» we Hloýa Çžaonyň «Hamnet» filmleri bar.
Seriallaryň arasynda redaksiýa «Ýetginjeklik döwri», «Köplerden biri», «Andor», «Jennet» we beýleki seriallary aýratynlandyrdy.
