Paramount The Game Awards 2025 dabarasynda «Street Fighter» («Köçe söweşijisi») oýny boýunça düşürilen filmiň ilkinji tizerini görkezdi. Wideony filmde baş keşpleri ýerine ýetirýän aktýorlar hödürledi.
Filmde wakalar 1993-nji ýylda bolup geçýär. Sýužet boýunça Rýu (Endrýu Kodzi) we Ken Masters (Noa Sentineo) ýene bäsdeş bolýar. Syrly Çun Li (Kallina Lýan) olary Bütindünýä söweşijiler ýaryşyna çekýär. Ýöne ýaryşlaryň arkasynda howply dildüwşük gizlenýär. Gahrymanlar diňe bir özara gatnaşyklaryny çözmän, eýsem hususy geçmişi bilen ýüzbe-ýüz bolmaly bolar.
Aktýorlar düzümine 50 Cent (Balrog), Jeýson Momoa (Blanka), Noa Sentineo (Ken), Orwill Pek (Wega), Roman Reýns (Akuma), Endrýu Kodzi (Rýu) we Kallina Lýan (Çun Li) girdi. Filmi Kitao Sakuraý düşürýär.
Taslama franşiza eýeçilik edýän Capcom studiýasy bilen bilelikde Legendary kompaniýasy tarapyndan döredilýär. Paramount Pictures distribýutor bolup çykyş edýär.
Premýera 2026-njy ýylyň 16-njy oktýabryna meýilleşdirilýär.
