Russiýaly Murat Gassiýew agyr agramda Bütindünýä boks assosiasiýasynyň (WBA) yzygiderli dünýä çempiony titulynyň eýesi boldy. Dubaýda geçirilen «IBA.PRO 13» ýaryşynyň esasy söweşinde ol bolgariýaly boksçy Kubrat Pulewden üstün çykdy.
12 raundlyk söweş möhletinden ir tamamlandy – Gassiýew garşydaşyny altynjy raundda nokauta gidirdi.
32 ýaşly Murat Gassiýew üçin bu üstünlik ýedi ýyldan soň dünýä çempiony adyny gaýtaryp alandygyny aňladýar. Indi onuň professional sanawynda iki ýeňliş bilen 33 ýeňiş (26-sy nokaut bilen) bar.
2016-njy ýylda Gassiýew watandaşy Denis Lebedewi ýeňip, birinji agyr agramda Halkara boks federasiýasynyň (IBF) dünýä çempiony titulyny gazandy. 2018-nji ýylda kubaly Ýuniel Dortikosy ýeňip, WBA-nyň guşagyny aldy. Ýöne şol ýyl türgen Bütindünýä boks superseriýasynyň finalynda ukrainaly Aleksandr Usikden ýeňlip, iki titulyny-da ýitirdi. 2020-nji ýylyň güýzünden bäri Gassiýew agyr agram derejesinde çykyş edýär.
