Netflix striming hyzmaty Zoluşkanyň öweý uýalarynyň hekaýasyny täze bir tarapdan görkezjek Steps animasion filminiň üstünde işleýändigini habar berdi.
Sýužet boýunça, adatça, rehimsiz hasaplanýan gahrymanlar başga keşpde suratlandyrylar.
Studiýa geljekki filmden ilkinji kadr bilen paýlaşdy. Onda elinde hrustal köwşi saklap duran doganlaryň biri şekillendirilýär.
«Siz Zoluşkanyň rehimsiz öweý uýalaryny bilýändirin diýip pikir edýäňizmi? Ýene bir gezek oýlanyp görüň! Hiç kimiň düşünmeýän Liliti jadyly taýajygy ogurlap, patyşalyk balyny bozmakda aýyplananda, ol tötänleýin ýagdaýda öz dogany Margony gurbaga öwürýär we patyşalyk şazadanyň höwesinde bolup ýören rehimsiz gyzyň eline düşýär. Indi Lilit patyşalygy halas etmek üçin Zoluşka bilen birleşmeli» – diýip, suratyň beýanynda aýdylýar.
Premýera 2026-njy ýylda bolar. Takyk sene entek belli däl.
