Amerikan aktýory Leonardo Di Kaprio «Time» žurnaly tarapyndan 2025-nji ýylyň artisti diýlip ykrar edildi. Bu barada neşiriň resmi saýtynda habar berilýär.
Žurnalyň wekilleri 30 ýyldan gowrak işiniň dowamynda Di Kaprionyň «köpleriň gözi gitjek ajaýyp karýerany» gurandygyny belleýär. Neşir aktýory dünýäniň seretmekden ýadamajak ýüzi bolan superýyldyz diýip atlandyrýar.
Žurnalistler artistiň 1993-nji ýylyň «Bu ýigidiň durmuşy» (Жизнь этого парня) filmindäki roluny ýatlap geçdi. Ol Di Kaprionyň zehininiň aýdyň subutnamasy boldy. 2025-nji ýylda ekrana onuň täze filmi – režissýor Pol Tomas Andersonyň «Bir söweşden soň beýleki» (Битва за битвой) filmi çykdy. Ol tankytçylardan we tomaşaçylardan ýokary bahalara eýe boldy, şeýle-de “Altyn globus” baýragy üçin nominasiýa sany boýunça öňdebaryjy boldy.
Time onuň ahyrynda dogry bolup çykýan garaşylmadyk çözgütleri kabul etmek başarnygyny hem belläp geçdi.
Häzir Leonardo Di Kaprio 51 ýaşynda. Onuň filmografiýasynda 50 töweregi film, şol sanda iň gowy aktýor hökmünde «Oskar» baýragyny getiren «Diri galan» filmi bar. Şeýle-de, artist BAFTA, «Altyn globus», «Kümüş aýy» we beýleki abraýly kino baýraklarynyň eýesidir.
