“Gara eşikli adamlar” (Men in Black) franşizasynyň dowamy çykar. Deadline neşiriniň ýazmagyna görä, Sony Pictures kinokompaniýasy bäşinji filmiň eýýäm işjeň ýagdaýda işlenilip düzülýändigini resmi taýdan tassyklady.
Iň gyzykly habar meşhurlyk gazanan Agent Jeýiň keşbinde Uill Smitiň uly ekrana gaýdyp gelmegi bolup biler. Aktýor ýene-de gara äýnegini we kostýumyny geýip biler: “Ýaramaz oglanlar baky” («Плохие парни навсегда») filminiň üstünde işlän ssenariçi Kris Bremner häzirki wagtda filmiň ýordumyny döretmegiň üstünde işleýär. Garalama görnüşi ýazylyp bolnandan soň, ssenariýa gözden geçirmek we tassyklamak üçin hut Smite hödürlener.
Emma, Agent Jeýiň täze filmde baş keşpde boljagy ýa-da ikinji derejedäki keşpde boljagy heniz syr bolup galýar. Şeýle hem, Tommi Li Jonsuň (Agent Keý) gaýdyp geljegi-gelmejegi we bäşinji filmiň umumy ýordumynyň nähili boljakdygy gizlin saklanýar.
Franşiza adybir Marvel komiksler seriýasyna esaslanýar. Ýerdäki başga planetadan edilýän täsiriň işjeňligine gözegçilik edýän gizlin gurama hakyndaky waka 1997-nji ýylda Barri Zonnenfeldiň asyl filmi bilen başlandy. Ondan soň 2002-nji we 2012-nji ýyllarda iki sikwel düşürildi.
Iň soňky bölegi bolsa Kris Hemswort we Tessa Tompson dagynyň baş keşpleri janlandyran 2019-njy ýyldaky “Gara eşikli adamlar: Interneşnl” filmi boldy.
