Piter Parkeriň başdangeçirmeleriniň nobatdaky bölümini – «Möý adam: Düýbünden täze gün» (Человек-паук: Совершенно новый день) kinokomiksini düşürmek işleri tamamlandy. Filmiň kinoteatrlarda premýerasy 2026-njy ýylyň 31-nji iýulyna meýilleşdirilýär diýip, Screen Rent neşiri habar berýär.
Möý adamyň keşbine Tom Holland gaýdyp geler. Şeýle-de, aktýorlar düzümine Zendeýa, Mark Ruffalo, Sedi Sink we Jon Berntal girdi. Taslamanyň režissýory Destin Deniel Kretton boldy.
Häzirki wagtda sýužet barada maglumat berilmeýär. Franşizanyň geçenki filmi «Möý adam: Öýe ýol ýok» 2021-nji ýylda prokata çykdy we 1,9 mlrd dollar gazandy. Bu filme Tom Hollanddan başga-da, ozal «möýüň» keşbini ýerine ýetiren Tobi Maguaýr we Endrýu Garfild hem gatnaşdy.
