Jeýms Kemeronyň «Awatar: Ot we kül» (Аватар: Пламя и пепел) filminiň önümçilik býujeti, bilermenleriň hasaplamalary boýunça, azyndan 400 million ABŞ dollaryna barabar.
Variety neşiriniň maglumatlaryna görä, şeýle mukdar blokbasteriň dowamynyň bahasy bilen deňleşýär. Ikinji bölümiň önümçiligi üçin 460 million dollardan gowrak sarp edilipdi.
Neşir ýokary çykdajylaryň COVID-19 pandemiýasy bilen baglanyşyklydygyny görkezýär: girizilen lokdaun sebäpli režissýoryň önümçilik toparyna iş üçin iki gezek tölemeli boldy.
«Awatar 4» filminiň çykmagyny üpjün etmek üçin franşizanyň üçünji bölümi dünýä prokatynda bir milliard dollardan gowrak gazanmaly.
Şol bir wagtyň özünde, Jeýms Kemeronyň franşizany dowam etdirmek işine göni başlajakdygy ýa-da ýokdugy belli däl. Ýakynda KHBS-de kinematografçynyň täze «Terminatoryň» ssenarisiniň üstünde işleýändigi barada gürrüňler peýda boldy.
«Awatar: Ot we kül» filminiň premýerasy 19-njy dekabra meýilleşdirilýär.
