“Altyn globus” baýragynyň guramaçylary 2026-njy ýylyň baýragyna dalaşgärleriň sanawyny yglan etdi. Dalaşgär görkezilmek boýunça Pol Tomas Andersonyň “Bir söweşden soň beýleki” (Битва за битвой) filmi öňdebaryjy boldy. Ol dokuz nominasiýa aldy diýip, Variety ýazýar.
Täze film “Mawy Aý”, “Bugoniýa”, “Marti beýik”, “Başga ýol ýok” we “Täze tolkun” filmleri bilen bir hatarda “Iň gowy film – mýuzikl ýa-da komediýa” kategoriýasynda baýrak üçin dalaşgär görkezildi.
“Iň gowy film – drama” kategoriýasynda baýrak üçin “Frankenşteýn”, “Gamnet”, “Ýönekeý bir tötänlik”, “Gizlin agent”, “Duýgy gymmatlygy” we “Günäliler” filmleri bäsleşer.
Nominasiýa sany boýunça öňdebaryjy filmiň yzyndan sekiz nominasiýa bilen Ýoakim Trieriň “Duýgy gymmatlygy” (Сентиментальная ценность) we ýedi nominasiýa bilen Raýan Kugleriň “Günäliler” (Грешники) filmi gelýär.
“Altyn globus” baýragynyň gowşurylyş dabarasy 11-nji ýanwarda geçiriler we hasap boýunça 83-nji bolar.
