ABŞ-nyň Milli kinotankytçylar geňeşi (National Board of Review) «Bir söweşden soň beýleki» (Битва за битвой) filmini soňlap barýan 2025-nji ýylyň iň gowy filmi diýip atlandyrdy. Bu barada The Hollywood Reporter habar berýär.
Baýraklar beýleki esasy kategoriýalarda hem gowşuryldy: Pol Tomas Anderson iň gowy režissýor, Leonardo Di Kaprio erkek keşbini iň gowy ýerine ýetiriji diýlip ykrar edildi. Çeýz Infiniti «Ýylyň öňegidişligi» baýragyny aldy.
Zenanlaryň aktýorlyk kategoriýasynda baýragy «Aýagym bolan bolsa, seni deperdim» (Я бы тебя пнула, если бы могла) filmindäki keşbi üçin Rouz Birn aldy.
Režissýor Raýan Kugleriň «Günäliler» (Грешники) horror filmi iň gowy original ssenariý üçin baýraga mynasyp boldy.
«Otly düýşleri» (Сны поездов) iň gowy adaptirlenen ssenariý üçin tapawutlandy. Film Denis Jonsonyň adybir powesti esasynda düşürildi.
«Bir söweşden soň beýleki» filmi ýokary baýraga ilkinji gezek mynasyp bolanok: ozal ol Gotham Awards baýragyny aldy we Nýu-Ýorkuň Kinotankytçylar bileleşigi tarapyndan ykrar edildi.
