Lego kompaniýasy we Halkara futbol federasiýasy (FIFA) dünýä çempionatynyň kubogynyň şekilini gaýtalaýan täze toplumyň çykarylandygyny habar berdi. 2842 bölekden ybarat toplum 2026-njy ýylyň 1-nji martynda satuwa çykar. Onuň bölek söwda bahasy 200 dollar bolar.
Dünýä kubogynyň bu oýunjak nusgasynyň beýikligi hakyky kubogyňky bilen deň bolup, 36,8 sm barabar. Onuň içinde kiçi futbol meýdançasy we mini-kubogy saklap duran adamyň heýkeljigi gizlenen.
Toplumy çykarmak boýunça mahabat kampaniýasynyň çäklerinde dürli ýyllaryň dört dünýä çempiony gatnaşdy: braziliýaly Roberto Karlos (DÇ-2002-niň ýeňijisi), italiýaly Marko Materassi (DÇ-2006), ispaniýaly Iker Kasilýas (DÇ-2010) we germaniýaly Sami Hedira (DÇ-2014). Türgenleriň kubok bilen ýeňşi baýram edýän kadrlary redaktirlendi: dünýä kubogynyň deregine futbolçylar Lego nyşanly paketleri göterip dur.
Indiki dünýä çempionaty ilkinji gezek 48 ýygyndynyň gatnaşmagynda geçiriler. Birinji oýun 2026-njy ýylyň 11-nji iýunynda bolar. Final oýny 19-njy iýula meýilleşdirildi.
