Aktýor Leonardo Di Kaprio «Deadline» neşiri bilen söhbetdeşlikde «Tutluşyk 2» (Схватка 2) filmine gatnaşjakdygyny resmi taýdan tassyklady. Bu film režissýor Maýkl Mannyň jenaýat dramasynyň dowamy bolar.
Film işläp taýýarlamak tapgyrynda bolup, ony düşürmek işleri 2026-njy ýyla meýilleşdirilýär.
Di Kaprio surata düşürmek işiniň heniz başlamakdan uzakdadygyny, çünki sýužet we gahrymanlar boýunça işleriň entek dowam edýändigini belledi. Aktýor täze filmiň birinji filme hormat goýmagyň nyşany hökmünde hyzmat edýän bolsa-da, özbaşdak eserdigini belledi.
«“Tutluşyk 2” köp babatda özbaşdak film. Biz onuň üstünde işlemegi dowam etdirýäris, şonuň üçin düşürmek işlerine başlamakdan uzakda. Birinji filme telpek goýýaryn we biziň filmimiz oňa hormatyň nyşanydyr. Täze filmiň wakasy geljekde we geçmişde bolup geçýär. Men bu filmi durmuşymda iň beýik jenaýat nuary diýip hasaplaýaryn. Asyl film ähmiýetli bolmagyny dowam etdirýär we köp sanly beýleki filmlere täsir etdi. Biz onuň dowamynyň üstünde işleýäris. Ikinji bölüm, gürrüňsiz, gyzykly bolar” – diýip, Di Kaprio aýtdy.
“Tutluşyk” filminiň ikinji bölüminiň üstündäki işler birnäçe ýyl bäri dowam edýär. Ozal prodýuserler Maýkl Manna maliýeleşdirmekde boýun gaçyrypdy, ýöne soň taslama makullandy. Režissýor bu taslama ünsi jemlemek üçin beýleki mümkin bolan filmleri soňa goýdy.
