Microsoft bir ýyldan soň ýene Täze ýyl baýramçylygynyň öňüsyrasynda muşdaklary «betnyşan» switerleriň kolleksiýasy bilen begendirmek isledi.
Kolleksiýa «Artifact» switeri, Zune pleýeriniň stilinde goňur switer we Xbox konsollarynyň stilinde ýaşyl switer girdi. 2022-nji ýylda bolşy ýaly, «Artifact» switeriniň esasy gahrymany kömekçi Clippy (skrepka) boldy we bu gezek onuň töwereginde MSN logotipi, «Sapýor» oýny, Internet Explorer brauzeri we MS-DOS ýaly nyşanlar ýerleşdirildi. Zune mediapleýerine bagyşlanan goňur switere aýtdyrmak we duruzmak düwmeleri goşuldy.
«Artifact» we «Zune» switerleri 79,95 dollar bahadan satylýar. Xbox stilindäki ýaşyl switeri bolsa deslapky sargyt boýunça 59,95 dollara satyn alyp bolýar.
«Betnyşan switerleri» çykarmak däbi 2018-nji ýylda başlady. Windows 95-e bagyşlanan birinji switer eksklýuziw bolup, diňe saýlanan muşdaklara we hyzmatdaşlara iberilipdi. Bir ýyldan soň Windows XP-niň stilinde switer peýda boldy, ýöne ol hem satuwa çykarylmady.
Microsoft «betnyşan switerleri» satmaga 2020-nji ýylda başlady. Şol ýyl kompaniýa Paint programmasynyň temasynda switer çykardy. Soňky ýyllar “Sapýor” oýnuna (2021), kömekçi Clippy-ä (2022) we Windows XP-den Bliss oboýlaryna (2023) bagyşlanan wersiýalar çykaryldy.
