Szýaotun Şanhaý uniwersitetiniň alymlary agyz suwuny gönüden-göni atmosfera howasyndan almaga mümkinçilik berýän tehnologiýany döretdi. Bu barada China Daily habar berýär.
Bu tehnologiýa kondensasiýa, çyglylygy siňdirmek we ýylylyk nasosy ýaly usullary ulanýar. Şeýle çemeleşme ulgamy dürli howa şertlerinde, hatda çyglylygy pes bolan yssy sebitlerde hem ulanmak üçin ýaramly edýär.
Inženerler Gün panellerinde işleýän awtonom stansiýany hödürledi. Ol bir günde 50 litre çenli suw öndürip bilýär. Enjam infrastruktura birikdirmegi talap etmeýär we 15-den 40 gradusa çenli temperaturada we 35%-den 99%-e çenli çyglylyk derejesinde işläp bilýär. Şol bir wagtyň özünde, enjamyň göwrümi uly bolmadyk awtobus duralgasy bilen deňleşýär.
Şeýle-de, günde 1,6 müň litr töweregi suw çykaryp biljek has kuwwatly platforma döredildi. Ony adalardaky otellerde, uly bolmadyk ilat nokatlarynda we suw elýeterliliginde kynçylyk çekýän uzakdaky sebitlerde ulanmak teklip edilýär.
Işläp düzüjileriň pikiriçe, bu tehnologiýa süýji suw çeşmeleri çäkli bolan ýerlerde kömek edip, suw üpjünçiliginiň durnuksyz sebitlerinde ätiýaçlykdaky çözgüt hökmünde hyzmat edip biler.
