“Forsaž 9” filmi bilen tanalýan režissýor Jastin Lin meşhur Helldivers (Dowzaha çümýänler) wideo oýnuny ekranlaşdyrmak bilen meşgullanar. Bu barada The Hollywood Reporter neşiri habar berdi.
Ssenariniň üstünde ozal “Ol” we “Annabeliň näleti” filmleri üçin ssenarileri sazlan Geri Doberman işlär. Bu taslama Sony Pictures studiýasy gözegçilik edýär. Ýöne sýužetiň nämä esaslanjakdygy entek belli däl.
Helldivers oýny ilkinji gezek 2015-nji ýylda çykdy. Onda oýunçylar “dowzah desantynyň” – toslanan döwlet Super-Ýeriň ýörite toparynyň söweşijilerini dolandyrýar. Gahrymanlar başga planetaly üç duşman topary: tomzaklar, kiborglar we pähimdarlar bilen söweşýär.
Şol bir wagtyň özünde, Jastin Lin Netflix üçin taslamanyň – BRZRKR (Berserker) komiksini ekranlaşdyrmagyň üstünde-de işleýär. Onda baş keşbi Kianu Riwz ýerine ýetirer.
