Singapurly dizaýner Gustawo Bondzanini içine oýun konsoly gurnalan Nike Air Max 90 krossowkalaryny döretdi. Bu iş Ýaponiýada "Super Nintendo-nyň" çykarylmagynyň 35 ýyllygyna gabatlandy diýip, "The Verge" neşiri habar berýär.
Krossowkalarda Raspberry Pi Zero W mikrokompýuteri ulanylýar. Ol aýakgabyň diliniň içinde gizlenen, şeýle hem şol ýerde 30 minut çenli oýun oýnamaga ýetýän akkumulýator (batareýa) ýerleşýär.
"Raspberry Pi Zero W-da" gurlan mini-HDMI porty bar. Emma, "dizaýnyň 1990-njy ýylda hem bolan ýaly duýulmagy üçin" Bondzanini krossowkalaryň retro RCA kabelleri arkaly telewizora birikdirilmegine mümkinçilik berýän kiçi analog konwerter goşdy.
Bondzanini geýmpadyny hem Bluetooth moduly bilen üpjün etdi. Şonuň üçin hem ol krossowkalara simsiz birikdirilýär.
