IMAX kinoteatrlarynda Kristofer Nolanyň geljekki "Odisseýa" atly epik filminden alty minutlyk giriş görkezilip başlanar diýip, "World of Reel" portaly habar berýär.
Çeşmäniň maglumatyna görä, bu giriş 12-nji dekabrdan başlap "Günäliler" ("Грешники") we "Söweş yzyna söweş" ("Битвы за битвой") filmleriniň gaýtadan görkezilişlerinden öň görkeziler. Girişiň takyk uzynlygy 5 minut 47 sekunt tutýar. Filmiň doly treýleriniň "Awatar 3-den" öň görkeziljekdigi wada berilýär.
"Empire" neşiriniň habaryna görä, bölek Troýa urşunyň başlanşy we Siklopyň peýda bolmagyna degişli kadrlar bolar.
"Odisseýa" Gomeriň adybir epik poemasynyň ekranlaşdyrylan görnüşidir. Filmde baş keşpleri Mett Deýmon, Tom Holland, Enn Heteueý, Şarliz Teron, Robert Pattinson, Zendaýa we beýlekiler janlandyrdylar.
"Odisseýanyň" daşary ýurt kinoteatrlarynda ilkinji görkezilişi 2026-njy ýylyň 17-nji iýulyna meýilleşdirildi.
