Apple kompaniýasy A Critter Carol ady bilen baýramçylyk mahabatyny çykardy. Ol doly iPhone 17 Pro smartfonynda düşürildi diýip, Variety habar berýär.
Iki minutlyk wideo “Bewerli-Hillz polisiýasy: Aksel Fouli” filmi bilen tanalýan awstraliýaly režissýor Mark Molloý tarapyndan düşürildi.
Wideoda syýahatçynyň ýitiren iPhone smartfonyny tapýan tokaý haýwanlary bilen bagly sýužet görkezilýär. Olar smartfona Täze Zelandiýadan Flight of the Conchords duetiniň “Friends” aýdymyna wideo düşürip başlaýar.
Wideony düşürmek işinde haýwanlar görnüşinde elde döredilen dokuz gurjak ulanyldy. “Dostluk – bu sowgat” şygarly kampaniýa mähri we adamzat döredijiliginiň güýjüni görkezmek üçin ýörite “janly” we duýuş stilinde döredildi.
Şeýle-de, Apple gurjaklaryň döredilişi we gurjaklary dolandyrýan adamlaryň işi barada perde aňyrsy wideony hödürledi.
