“Ýyrtyjy: Ölüm planetasy” (Хищник: Планета Смерти) resmi taýdan franşizada iň girdejili film boldy. Den Trahtenberg tarapyndan düşürilen täze bölüm dünýä prokatynda 162 mln dollar gazandy diýip, The Numbers ýazýar.
Franşizanyň öňki rekordy 160,5 mln dollar gazanan 2018-nji ýyldaky “Ýyrtyjy” filmine degişlidi. Şol bir wagtyň özünde, franşizada iň girdejili krossower “Keseki Ýyrtyja garşy” filmi bolmagynda galýar. Onuň kassa ýygymy 177 mln dollar boldy.
Prokatda ýokary görkezijilere garamazdan, “Ýyrtyjy: Ölüm planetasyny” entek täjirçilik taýdan üstünlikli diýip atlandyrmak kyn. Filmiň önümçilik býujeti 105 mln dollar boldy we bu mukdar marketing çykdajylaryny öz içine almaýar.
