Pumukel atly at dünýäniň iň kiçi aty hökmünde Ginnesiň rekordlar kitabyna girdi. Onuň geriş beýikligi bary-ýogy 52,6 santimetr.
Pumukel Germaniýadaky bir fermada ýaşaýar. Onuň eýesi Karol Waýdmann atyny bäş ýyl mundan ozal, ol entek kiçijik taýçanakka özüne aldy. Pumukel barada oňa ippoterapiýa üçin at gözleýän bir dosty gürrüň berdi.
"Gelip, ony görüp geň galdym. Men öň hiç wagt beýle kiçi aty görmändim" - diýip, ol gürrüň berdi.
Duşuşyk 2020-nji ýylyň oktýabr aýynda boldy. "Şol wagt ol bary-ýogy bäş aýlykdy, we ynanýaňyzmy ýa-da ýok, onuň boýy bary-ýogy 47 santimetrdi we meniň pikirimçe, onuň agramy 20 kilograma-da ýetenokdy" - diýip, Karol gürrüňini dowam etdi.
Eýesiniň aýtmagyna görä, Pumukel bilgeşleýin kiçi ýetişdirilmändir — onuň kiçi ölçegi diňe tebigatyň geň bir täsinligi bolupdyr.
Poni terapiýa aty hökmünde tälim berilýär we yzygiderli garrylar öýlerine, hospislere, mekdeplere we maýyplygy bolan adamlaryň edaralaryna barýar. "Onuň örän mähirli häsiýeti bar. Ol çagalar bilen gowy oňuşýar, endamyny darap berseler we gujaklasalar gowy görýär. Pumukel üns merkezinde bolmagy halaýar" diýip, Waýdman gürrüň berýär.
Pumukeliň geriş beýikligi öňki rekordyň eýesi polşaly Bombel poni atyndan (56,7 santimetr) 4 santimetrden gowrak gysgadyr.
