Parižde restoranlaryň iň belli halkara reýtingleriniň biri bolan La Liste ýyllyk baýragynyň netijesi yglan edildi. Şu ýyl birinji orunda birbada on restoran ýerleşdi – olaryň ählisi 100-den 99,5 bal gazandy.
Öňdebaryjylaryň biri Pariždäki Guy Savoy boldy. Onuň bilen birlikde bu orny Nýu-Ýorkdaky Le Bernardin, Baýersbronndaky (Germaniýa) Schwarzwaldstube, Gonkongdaky Lung King Heen, Bazeldäki Cheval Blanc by Peter Knogl, Tokiodaky Matsukawa, Hildsburgdaky (ABŞ) SingleThread Farm, Bruzaportodaky (Italiýa) Da Vittorio, Lasarte-Oriýadaky (Ispaniýa) Martín Berasategui we Makaodaky Robuchon au Dôme paýlaşdy.
Time Out neşiri La Liste-niň şu ýyl onýyllygyny belleýändigi mynasybetli şonça ýeňijini saýlandygyny ýazýar.
La Liste müňlerçe çeşmäni: professional synlary, bilermenleriň bahalaryny, myhmanlaryň teswirlerini seljermegiň esasynda düzülýär. Reýting düzülende aşhananyň hili, atmosfera, tagamlaryň hödürlenişi we beýleki parametrler göz öňünde tutulýar.
Reýting 2015-nji ýyldan bäri hereket edýär we Michelin hem-de The World’s 50 Best Restaurants bilen bir hatarda dünýä gastronomiýasyna başgaça garaýyş hökmünde fransuz hökümetiniň başlangyjy bilen döredildi.
