Variety žurnaly ähli döwrüň iň gowy 100 komediýasynyň reýtingini hödürledi. Žurnalistler sanaw düzülende filmiň klassyk bolmagyna täsir edýän faktorlary göz öňünde tutmaga çalyşdy, ýöne esasy görkeziji filmiň näderejede gülkünçdigi boldy.
Reýtingiň başynda Lesli Nilseniň baş keşbi ýerine ýetirmeginde 1988-nji ýylda çykan “Ýalaňaç sapança” ýerleşdi. Film “könelmeýän” diýlip atlandyrylýar: onda ähli zadyň diýen ýaly üstünden gülünýär, baş gahryman bolsa “öz nadanlygynda nadan” bolup, uzak wagtlap ýatda galýar.
Ikinji orny Merilin Monro bilen 1959-njy ýyldaky meşhur “Jazda diňe gyzlar” filmi eýeledi. Žurnalyň belleýşi ýaly, režissýor Billi Uaýlder irki Golliwudyň ruhuny has batyrgaý döwrebap usullar bilen utgaşdyrmagy başarypdyr. Film häzirem tomaşaçylary özüne çekmegi başarýar.
Öňdebaryjylaryň üçlügini Wudi Alleniň 1977-nji ýylda çykan “Enni Holl” filmi jemleýär. Neşir muny režissýoryň karýerasynyň başynda döreden iň şowly we gülkünç işleriniň biri diýip belleýär. Žurnalistleriň pikiriçe, ol bu filmden soň ýene 50 töweregi film çykarsa-da, ondan öňe geçip bilmedi.
Sanawda köp filmler XX asyryň filmleri bolsa-da, olaryň arasynda häzirkizaman lentalaryna-da ýer tapyldy. Ýokary orunlary “Gyrada” (На обочине / 14-nji orun), “Super oglanlar” (SuperПерцы / 20-nji orun), “Wegasda gyz ýygny” (Девичник в Вегасе / 24-nji orun) we “Borat” (Борат / 26-njy orun) eýeledi. Sanawda iň “täze” film režissýor Ýorgos Lantimosyň “Betbagt biçäreler” (Бедные-несчастные / 2023) filmi boldy – 65-nji orun.
Variety boýunça taryhda iň gowy komediýalaryň ilkinji onlugy:
- “Ýalaňaç sapança” (Голый пистолет / 1988)
- “Jazda diňe gyzlar” (В джазе только девушки / 1959)
- “Enni Holl” (Энни Холл / 1977)
- “Beýik diktator” (Великий диктатор / 1940)
- “Gaffmana garaşyp” (В ожидании Гаффмана / 1996)
- “Monti Paýton we Mukaddes Graal” (Монти Пайтон и Священный Грааль / 1975)
- “Ördek çorbasy” (Утиный суп / 1933)
- “Fargo” (Фарго / 1996)
- “Ýaş Frankenşteýn” (Молодой Франкенштейн / 1974)
- “Surok güni” (День сурка / 1993)
