FX teleýaýlymy meşhur Far Cry oýun seriýasy esasynda resmi taýdan teleserial surata düşürmäge girişdi diýip, Deadline habar berýär.
Taslama üçin Noý Houli ("Fargo") bilen Rob Mak ("Filadelfiýa mydama güneşli" / «В Филадельфии всегда солнечно») jogapkär bellenildi. Serial antologiýa formatynda hödürlener: her möwsüm täze gahrymanlar we täze ýerler bilen aýratyn bir wakany gürrüň berer. Bu çemeleşme, her bir oýnuň aýratyn bir başdan geçirme bolan franşizanyň öz gurluşyny gaýtalaýar.
"Far Cry-da meniň halaýan zadym antologiýa formatydyr. Her möwsümde üýtgeýän we çylşyrymly hem-de bulaşyk prizma arkaly ynsan tebigatyny öwrenýän ekşn-şou döretmek – bu arzuw. Men Rob bilen işleýändigime şat we ekranda uly maksadymyzy durmuşa geçirýändigimize begenýärin" diýip, Houli belledi.
Serial baradaky maglumatlar awgust aýynda eýýäm peýda bolupdy: Ubisoft taslama taýýarlygy barada metbugat beýanatyny çap etdi, ony tiz wagtda aýyrdylar, ýöne ulanyjylar ony görüp ýetişdiler.
