Aktýor Jorj Kluni kino sungatynyň ösüşine uly goşant goşandygy üçin her ýyl berilýän 51-nji Çarli Çaplin baýragynyň eýesi bolar. Dabara 2026-njy ýylyň 27-nji aprelinde Linkoln merkezinde geçiriler diýip, Variety ýazýar.
Sylaglamak baradaky çözgüt Nýu-Ýork festiwalynda “Jeý Kelli” filminiň premýerasy üstünlikli geçirilenden soň kabul edildi. Kluni onda baş keşbi ýerine ýetirdi. Ol ýaş üýtgemelerini başdan geçirýän we “Oskar” almagy umyt edýän, ýöne durmuşynda we karýerasynda kynçylyklar bilen ýüzbe-ýüz bolýan aktýoryň keşbini ýerine ýetirdi. Onuň gahrymany menejer (Adam Sendler) bilen bilelikde Ýewropa syýahatyna ugraýar we öz durmuşyna düşünmäge çalyşýar.
Çaplin baýragy Kluniniň diňe bir aktýorlyk işini däl, eýsem onuň režissýor we prodýuser hökmünde gazananlaryny ykrar edýär. Linkoln merkeziniň müdirler geňeşi Kluniniň sungat ussatlygyny, özüne çekijiligi, degişgenligi we hünär ussatlygyny utgaşdyrýandygyny, onuň döredijiliginiň bolsa dünýädäki tomaşaçylary ruhlandyrýandygyny belledi.
