“Awatar”, “Titanik” we “Terminator” ýaly filmleriň režissýory Jeýms Kemeron Billi Aýlişiň “Hit Me Hard and Soft” atly konsert-filminiň režissýorlarynyň biri boldy. Deadline neşiriniň ýazmagyna görä, ol bu taslamany ikinji režissýor hökmünde çykyş edýän aýdymçynyň özi bilen bilelikde alyp barýar.
Paramount kinoteatrlarda köp wagt bäri konsert filmlerini çykarmady. Kompaniýanyň iň görnükli çykyşlaryndan biri 2011-nji ýylda 3D formatda çykan “Jastin Biber: Hiç wagt “Hiç wagt” diýme” (Justin Bieber: Never Say Never) filmi bolupdy. Şonda ol ABŞ-nyň prokatynda $73 million dollar we bütin dünýäde takmynan $100 million dollar ýygnapdy.
Billi Aýlişiň täze konsert-filminiň daşary ýurtlarda premýerasy 2026-njy ýylyň 20-nji martyna meýilleşdirilýär. Taslamadan prokatda uly girdeji garaşylýar.
