Apple Music 2025-nji ýylyň iň gowy pop aýdymlarynyň sanawyny düzdi. Reýtingde birinji orny Ledi Gaganyň 7-nji martda çykan Mayhem albomyndan Abracadabra aýdymy eýeledi.
“Gürrüňsiz, 2025-nji ýyl Ledi Gaganyň ýyly boldy. Ähli zat onuň “Gremmi” wagty mahabatda peýda bolmagyndan we onuň täze aýdymyň çykmagyna yşarat etmeginden başlady. Abracadabra-nyň täsirli we dartgynly gaýtalamasy bilen derrew aýdyň boldy: Mother Monster gaýdyp geldi. Mayhem onuň janly legenda statusyny berkitdi – ol ýene-de pop köklerine we özüne mahsus stile ýüzlendi. The Mayhem Ball konsert syýahatynda Gaga teatrlaşdyrylan şüweleňi hödürläp, ähli döwrüň iň beýik artistleriniň biri bolup galýandygyny ýene bir gezek görkezdi” – diýip, reýtingi düzüjiler belleýär.
Mundan başga-da, Ledi Gaga şu ýyl Netflix-iň “Uensdeý” serialynyň ikinji möwsümi üçin The Dead Dance aýdymyny ýazdy. Bu aýdym hem gysga wagtyň içinde Hellouin üçin iň gowy saundtrek boldy diýip, Apple Music belledi.
A-List Pop: Best of 2025 reýtinginiň ikinji ornunda Sabrina Karpenteriň Manchild aýdymy ýerleşdi. Üçlügi kanadaly aýdymçy Teýt Makreýiň 2 hands aýdymy jemledi. Şeýle-de, 2025-nji ýylyň iň gowy aýdymlarynyň bäşligine Jastin Biberiň Yukon we The Weeknd-iň Cry for me aýdymy girdi.
Öňdebaryjylaryň hatarynda Ledi Gaganyň Garden Of Eden, Teýlor Swiftiň The Fate of Ophelia we Opalite, Ed Şiranyň Azizam, Blackpink günorta koreý k-pop toparynyň Jump, Charli XCX-iň party 4 you, Chappell Roan-yň The Giver aýdymlary hem bar.
Geçen ýyl iň gowy aýdym Sabrina Karpenteriň Espresso aýdymy bolupdy.
