Lionsgate kinostudiýasy “Açlyk oýunlary: Orak möwsüminiň säheri” (Голодные игры: Рассвет жатвы) filminiň ilkinji treýlerini hödürledi. Meşhur franşizanyň täze bölümi indiki ýylyň 20-nji noýabrynda prokata çykar.
Sýuzen Kollinziň romanyna esaslanýan film asyl filmdäki wakalardan 25 ýyl öň bolup geçen wakalar barada gürrüň berer. Sýužet 50-nji “Açlyk oýunlaryna” ünsi jemleýär, bu ýerde ýaş Heýmitç Abernati ilkinji gezek meýdança çykar.
Filmiň režissýory franşizanyň öňki bölümleriniň ählisini düşüren Frensis Lorens boldy. Aktýorlar düzümine Jozef Zada, Jessi Plemons, Glenn Klouz, Kiran Kalkin, El Fenning, Reýf Faýns, Maýýa Houk, Billi Porter we beýlekiler girdi.
Maý aýynda Lionsgate kinostudiýasy franşizanyň muşdaklarynyň arasynda uly onlaýn-kasting geçirdi. Onuň ýeňijisi Floridadan aktýor we režissýor Dewon Singlteri boldy. Ol filmde Heýmitç Abernatiniň we Kitnissiň kakasy Berd Ewerdiniň ýakyn dosty bolan Bleriň keşbini ýerine ýetirmek mümkinçiligini gazandy.
