Norwegiýanyň “Duýgy gymmatlygy” dramasy Ýewropa kinoakademiýasynyň baýragy üçin iň köp dalaşgär görkezilen film boldy. Bu barada Variety neşiri habar berýär.
Ýoakim Trieriň (“Dünýäde iň ýaramaz adam”) filmi “iň gowy ýewropa filmi”, “režissýor”, “ssenariçi”, şeýle-de “aktýor” (Stellan Skarsgard) we “aktrisa” (Renate Reinswe) kategoriýalarynda baýrak üçin göreşer. Film çagalykda galdyryp giden režissýor kakasy bilen gaýtadan birleşýän iki uýa barada gürrüň berýär.
Şeýle-de, “Sirat” ispan, “Ýykylmagyň sesi” nemes filmleri we Jafar Panahiniň “Ýönekeý bir tötänlik” (Eýranyň, Fransiýanyň we Lýuksemburgyň bilelikdäki önümçiligi) filmi birnäçe nominasiýa eýe boldy.
Ýewropa kinoakademiýasynyň baýragynyň 38-nji gowşurylyş dabarasy 2026-njy ýylyň 17-nji ýanwarynda Berlinde geçiriler. Hormat baýraklary aktrisa Liw Ulmana we režissýor Aliçe Rorwahere berler.
“Iň gowy ýewropa filmi” kategoriýasynda dalaşgärler:
- ·“Arko” (Арко)
- ·“Ýalňyzlyk günleri” (Дни одиночества)
- ·“Hind Rajabyň sesi” (Голос Хинд Раджаб)
- ·“Ýykylmagyň sesi” (Звук падения)
- ·“Kiçijik Ameli” (Маленькая Амели)
- ·“Oliwiýa we görünmeýän ýertitreme” (Оливия и невидимое землетрясение)
- ·“Ýuwaş-ýuwaşdan ýanýan Ýeriň aýdymlary” (Песни медленно горящей Земли)
- ·“Hudaýyň iti” (Пёс Божий)
- ·“Ýönekeý bir tötänlik” (Простая случайность)
- ·“Rifenştal” (Рифеншталь)
- ·“Hasan bilen Gazada” (С Хасаном в Газе)
- ·“Duýgy gymmatlygy” (Сентиментальная ценность)
- ·“Sirat” (Сират)
- ·“Jadyly bagdan ertekiler” (Сказки из волшебного сад)
- ·“Fiume ýa-da ölüm” (Фиуме или смерть)
