Apple iOS 26.2-iň ikinji beta görnüşini çykardy. Onda iPhone ulanyjylary üçin birnäçe ownuk, ýöne möhüm täzelenmeler bar. Bulara has köp interfeýs sazlama opsiýalary, gowulaşan animasiýalar we täze howpsuzlyk funksiýalary girýär diýip, MacRumors ýazýar.
Liquid Glass
Indi Gulplama ekranynda Liquid Glass süýşürgiji peýda boldy. Ol sagadyň durulygyny doly durulykdan tutuksylyga çenli sazlamaga mümkinçilik berýär. Bu dizaýn iPhone-yňyzy takyk sanly liniýka (ýa-da çyzgyç) öwürýän Measure programmasyna hem goşuldy.
"Oýunlar" we CarPlay
Oýunlar goşundysy goşmaça tertipleşdiriş wariantlaryny aldy — indi taslamalary ady, iň soňky başlanan senesi ýa-da ululygy boýunça tertipläp bolýar. CarPlay indi Habarlar programmasyndaky berkidilen habarlary öçürmäge mümkinçilik berýär.
Açylýan menýu
Apple açylýan menýularyň animasiýasyny gowulandyrdy we has çalt hem-de akgynly etdi – şeýle täsiri kompaniýa ozal WWDC konferensiýasynda görkezipdi.
"Gyssagly duýduryşlar"
Täzelenen howpsuzlyk funksiýasy göni iPhone we Watch enjamlaryna gyssagly duýduryş iberýär. Şol bir wagtda ýerleşýän ýeri hakyndaky maglumatlar saklanmaýar we habarnamalar bolsa Wi-Fi ýa-da Bluetooth arkaly iberilýär.
macOS 26.2 täzelenmesi
Mac kompýuterlerine Edge Light funksiýasy — ýörite wideo jaňlary üçin halka görnüşli yşyklandyryş täsiri goşuldy. Ulgam dogry yşyklandyrmany üpjün etmek üçin ulanyjynyň ýüzüni, boýuny (height) we ýagdaýyny awtomatiki kesgitleýär. Bu aýratynlyk FaceTime we Zoom bilen işleýär.
