Amerikaly aktrisa we aýdymçy Sabrina Karpenter “Alisa Täsinlikler dünýäsinde” («Алиса в Стране чудес») atly kinomýuziklde baş keşbi ýerine ýetirer. Bu barada Variety habar berýär.
Filmi Universal Pictures tarapyndan döredilýär.
“Uzyn gyz” («Рост Джоди») we “Enekäniň başdan geçirmeleri” («Приключения няни») filmindäki keşpleri bilen tanalýan Karpenter üçin bu soňky üç ýylyň içinde ilkinji aktýorlyk işi bolar. Ol filmde diňe bir baş keşbi janlandyrmak bilen çäklenmän, eýsem Mark Platt bilen bilelikde taslamanyň prodýuseri hem bolar.
Şeýle hem filmiň üstünde işlemeklige Entertainment kompaniýasyndan Lesli Morgenşteýn we Alloy Eliza Koplowis Datton hem çekildi. Filmiň edebi esasyny ýazmak we oňa režissýorlyk etmek Loren Skafariýa (“Men Los-Anjelesi söýýän” (“Я люблю Лос-Анджелес”), “Mirasdüşerler” (“Наследники”)) tabşyryldy.
Netflix öň At Last Productions kompaniýasyndan “Alisa täsinlikler dünýäsinde” filmini ekranlaşdyrmaga hukuk aldy. Ylalaşyk 2020-nji ýylda baglaşylypdy, ýöne ol taslama amala aşman galypdy.
Noýabr aýynyň başynda Karpenter Man’s Best Friend atly ýedinji studiýa albomy üçin “Gremmi” baýragyna alty sany dalaşgärlik aldy. Bularyň arasynda “Ýylyň iň gowy albomy”, “Ýylyň ýazgysy” we “Ýylyň aýdymy” dalaşgärlikleri bar.
