Irlandiýaly aktýor Kolin Farrell (“Inişeriniň banşisi”, “Pingwin”) “Ordained” ekşn-trillerinde ruhanynyň keşbini ýerine ýetirer. Film bilen “Ar alyjylaryň” birnäçe bölüminiň üstünde işlän doganlar Russolar meşgullanýar diýip, Deadline neşiri habar berýär.
Film Robert Wenditti, Trewor Heýrsaýn we Deýw Stýuart tarapyndan döredilen Bad Idea neşirýatynyň çykmaga taýýarlanýan komikslerine esaslanýar. Grafik romany 10-njy dekabrda çykarmak meýilleşdirilýär.
Farrell filmde Roý Kreýgiň kakasyny oýnar. Sýužet boýunça ol ölüm derejede ýaralanan mafiýa başlygy üçin soňky däbi ýerine ýetirýär. Ýöne ol diri galýar we ruhanyny ýok etmek üçin gangsterleri, killerleri we mafiýa üçin işleýän polisiýa işgärlerini iberýär.
Görlüp oturylsa, Roýuň kakasy hem ýönekeý bir adam däl eken, onuň geçmişdäki başarnyklary oňa diri galmak üçin gerek bolar. Şol bir wagtyň özünde, gahryman ähli güýji bilen “Öldürme” parzyny berjaý etmäge çalyşýar.
Filmiň prodýuseri bolup “Jon Uigiň” ssenarisiniň awtory Derek Kolstad, şeýle-de Bad Idea-dan Dineş Şamdasani we Benjamin Simpson bolar. Jo bilen Entoni Russo AGBO kompaniýasynyň adyndan taslama prodýuserlik eder. Prodýuserleriň arasynda Chapel Place-den Star Farrell we Klodin Farrell hem bar.
